VOL92: QR Codes Payments Explained 🚀
واحدة من أكثر طرق الدفع الرقمية شيوعًا هي الدفع باستخدام الـ QR Code, بنشوفه في المحلات والمطاعم وحتى المواقع الإلكترونية, خلينا نتعرف عليها كمستخدمين و كمبرمجين
لا تنسوا أهلنا من صالح الدعاء,اللهم إنّا استودعناك اياهم، اللهم كُن عوناً لهم، اللهم انصرهم واحفظهم. 🇵🇸 🇸🇩
أهلًا وسهلا بكم في العدد الثاني والتسعين من النشرة الأسبوعية لاقرأ-تِك 🚀
سواء كنت مهندس برمجيات مبتدئ أو محترف، فنشرتنا هتساعدك على مواكبة أحدث تطورات عالم البرمجة بمواضيع جديدة كل أسبوع، هتلاقى كمان محتوى عملي بيشمل أفضل الممارسات، ونصائح مفيدة، وترشيحات لمقالات مختارة من اقرأ-تِك.
🌟 مواضيع النشرة لهذا الأسبوع 🌟
All about QR Code Payments 🚀
Google Launches Gemini 3.1 Pro 🤖
Designing Data-Intensive Applications - Introduction 💎
All about QR Code Payments 🚀
واحدة من أكثر طرق الدفع الرقمية شيوعًا هي الدفع باستخدام الـ QR Code, بنشوفه في المحلات والمطاعم وحتى المواقع الإلكترونية, خلينا نتعرف عليها كمستخدمين و كمبرمجين. فورقة وقلم وكوباية شاي ويلا بينا!
أنواع ال QR Codes
في الأول خلينا نعرف إن في نوعين من ال QR Codes
Static QR Codes
في هذا النوع الكود بالفعل بيحمل البيانات المطلوبة, والبيانات دي مبتتغيرش بعد ما بنكون الكود. فمهما كان الوقت المستخدم وقت ما يعمل Scan هيشوف نفس البيانات ودا مناسب مع عرض البيانات البسيطة زي كلمة مرور الواي فاي ولو حابين نغير البيانات هنعيد تكوين الكود كله من جديد.
عشان كدا بنستخدمه في المدفوعات وقت ما تكون كتاجر مش محدد القيمة اللي هتتدفع وهستخدم نفس الكود لأكثر من عميل , وقتها العميل بيعمل Scan للكود و بيحدد القيمة من تطبيق الدفع عنده ويأكد العميلة.
Dynamic QR Codes
النوع دا بيشتغل كأنه رابط على الإنترنت، وبيقدر يتغير أو يتحدّث حتى بعد ما الكود يتطبع. وبتقدر تعمل كود خاص لكل معاملة بقيمتها ودا بيسمح للتاجر يتابع التحويلات، يشوف امتى اتمسحت ومنين، ونوع الجهاز إللي استُخدم. ودي طبعًا كلها مميزات مهمة لينا في عمليات الدفع وعليه فدا الخيار الأنسب والأكثر استخدامًا في أغلب الأحوال.
كيفية استخدام ال QR Codes في عمليات الدفع
جزء التاجر
التاجر بيقوم بحساب المشتريات وبيقوم بعمل Checkout
عملية ال Checkout بتقوم بإرسال الطلب الى ال PSP
يقوم ال PSP بتخزين بيانات المعاملة في قاعدة البيانات و إنشاء رابط QR Code و يقوم بإرساله للتاجر
يقدر التاجر يعرض الـ QR Code على الـ POS Terminal أو على موقعه الإلكتروني
جزء العميل
لما العميل يمسح الـ QR الكود, تطبيق الدفع في الموبايل بيقرأ البيانات من الكود ( بيانات الطرف اللي هياخد الفلوس + المبلغ).
الزبون يضغط Confirm ويدفع، كله من غير ما يدخل رقم الحساب أو أي حاجة يدوية.
ال PSP يقوم بإتمام المعاملة المالية و يخزن في قاعدة بياناته إن الـ QR Code دا تم دفعه وبيبعت notification للتاجر بإتمام المعاملة.
بالطبع تفاصيل عملية الدفع من الداخل بتفضل كما هي زي إن المعاملة بتعدي علي البنك المٌصدر للبطاقة و ال Acquirer و شبكات البطاقات فال QR Code هو تعديل في ال User experience أكثر منه تغيير في طريقة معالجة المعاملة وكنا شارحين كل هذه التفاصيل في ورقة منفصلة…
Google Launches Gemini 3.1 Pro 🤖
الأسبوع اللي فات Google أعلنت إنها نزلت تحديث كبير لـ Gemini 3 Deep Think—والفكرة إنهم بيزقّوا الموديل إنه يبقى أحسن في التعامل مع تحديات حقيقية في الـ science والـ research والـ engineering.
النهارده بقى بيكملوا نفس السكة بإطلاق Gemini 3.1 Pro: النسخة اللي بيقولوا إنها “الـ core intelligence” اللي واقف ورا التحسينات دي… وبيبدأوا يوزعوها على أغلب منتجاتهم للمستخدمين والمطورين والشركات.
الإصدار ده 3.1 Pro داخل على كذا مسار:
Developers: في preview من خلال Gemini API على Google AI Studio، وكمان Gemini CLI، ومنصة Google Antigravity (agentic development platform)، وكمان Android Studio.
Enterprises: من خلال Vertex AI وGemini Enterprise.
Consumers: من خلال Gemini app وNotebookLM.
طب هو أحسن في إيه تحديدًا؟
هنلاقي Google بتسوقله على إنه “قفزة في الـ core reasoning”، يعني نسخة أقوى للمشاكل المعقدة—مش مجرد إجابات سريعة وخلاص. وعلشان يدّوا الكلام وزن، استشهدوا بنتائجهم على benchmarks، وبالذات ARC-AGI-2 (اللي بيركّز على حل أنماط جديدة مش متدرب عليها). حسب كلامهم، 3.1 Pro جابت 77.1% verified score، وده “أكتر من ضعف” اللي كان بيقدمه 3 Pro في نفس ناحية الـ reasoning.
طيب ده يفرق معانا إزاي؟ (Intelligence applied)
الجزء العملي في الإعلان كان واضح: هم شايفين إن 3.1 Pro مناسب للمهام اللي “الإجابة البسيطة مش كفاية فيها”، زي:
شرح موضوع معقد بشكل visual وواضح
تجميع بيانات كتير ودمجها في single view
تحويل فكرة إبداعية لحاجة شغّالة على أرض الواقع
وكمثال، عرضوا use case تحت عنوان Complex system synthesis: الموديل قدر يربط بين APIs معقدة وواجهة user-friendly design، وطلعوا مثال عن إنه بنى live aerospace dashboard واشتغل على إعداد public telemetry stream علشان يعمل visualization لمدار International Space Station.
إيه اللي جاي؟
Google بتقول إن التطوير السريع ده جاي من الـ feedback اللي وصلهم بعد إصدار Gemini 3 Pro في نوفمبر، وإنهم نازلين بـ 3.1 Pro دلوقتي كـ preview علشان يختبروا التحسينات دي على نطاق أوسع… قبل ما يوصلوا لـ generally available قريب.
Designing Data-Intensive Applications: Introduction 💎
كتاب Designing Data-Intensive Applications بيشرح إزاي نصمّم أنظمة بتتعامل مع داتا كبيرة بكفاءة، واعتمادية، وقابلية للتوسع. الكتاب موجّه للـ Backend و الـ Software Engineers اللي بيبنوا قواعد بيانات وبرمجيات معتمدة على الداتا، وبيساعدهم يختاروا الحل الصح حسب المشكلة اللي قدامهم.
السلسلة دي هتكون ملخص عملي للكتاب ومرجع لأهم النقاط والمفاهيم اللي بيناقشها، من غير تعقيد ولا تنظير زيادة. في الجزء الأول من السلسلة، هتبقى مقدمة عن الجزء الأول من الكتاب، وهنفهم يعني إيه مصطلح data-intensive application و data system.
كتير من التطبيقات النهارده بقت تعتمد على البيانات أكتر ما تعتمد على قوة الكمبيوتر نفسها. والتحدي الحقيقي بقى في تخزين داتا ضخمة، وسرعة الوصول ليها، ومعالجتها بكفاءة وفي أقل وقت ممكن.
ما هو الـ Data-Intensive Application؟
لو انت بتبني تطبيق بتخزّن فيه بيانات (database)، وفي العادة فيه داتا دايمًا بتتجاب باستمرار (caching)، وتحتاج تدوّر على حاجات معيّنة (search indexes)، وممكن تبعت داتا أو ملفات كبيرة بشكل غير متزامن (stream processing).
من وجهة نظر المستخدم، كل الحاجات دي بتبان كأنها تطبيق واحد بيعمل كل ده. ولكن الحقيقة إن التطبيق ده متكوّن من مجموعة أدوات وأنظمة مختلفة، كل واحدة ليها دور محدد، وبتشتغل مع غيرها علشان في الآخر تقدّم تجربة واحدة متكاملة.
ما هو الـ Data System؟
لما تجمع أكتر من أداة مع بعض علشان تقدّم خدمة معيّنة، زي:
قاعدة بيانات أساسية
طبقة من الـ caching منفصلة
أدوات بحث زي full-text search
وفي نفس الوقت انت مسؤول إن كل الأجزاء دي:
شغالة مع بعض بشكل صحيح
والبيانات فيها دقيقة ومتناسقة
وتقدّمها كلها تحت مظلة واحدة (مثلاً من خلال API)،كده إنت بالفعل بنيت data system خاص بيك، مستخدم أدوات عامة، لكن موظّفها بشكل يخدم احتياجك.
بفضل الله أصبح متاح حالياَ دعمنا من خلال الرعاة والشراكات وفعلنا الـ Sponsorship, بنرحب بجميع الشراكات مع المؤسسات والشركات وأصحاب الأعمال لبناء مجتمع عربي يشجع على القراءة والتعلم ومشاركة التجارب والخبرات العملية في هندسة البرمجيات.
دورك كشريك أو راعي هيكون محوري في دعم المحتوى وتوسيع نطاق تأثيره. فانضم لرحلتنا وكن جزءًا من صناعة مستقبل التكنولوجيا في المنطقة 🚀
شركاء النجاح:
تقدروا تشوفوا التفاصيل كاملة من هنا والـ Analytics بتاعتنا من خلال اقرأ-تِك والنشرة الأسبوعية 👇
رؤيتنا هي إثراء المحتوى التقني العربي وجعل التعلم من خلال القراءة أمتع، وذلك من خلال إثراء المحتوى التقني باللغة العربية وتشجيع المبرمجين على القراءة بلغتهم الأم والتفكير أيضًا بها.
لذلك اتحنا الفرصة أمام الجميع للمساهمة ومساعدتنا في نشر واثراء المحتوى التقني باللغة العربية, من خلال كتابة المقالات التقنية في مختلف مجالات هندسة البرمجيات.
وجب التنويه أنه لن يتم نشر كافة الأعمال التي تصل إلينا، وإنما سيتم الانتقاء منها ما يحقق هدفنا بإثراء المحتوى التقني العربي، ولذلك قد تُطلب بعض التعديلات من الكاتب قبل النشر.
لمعرفة المزيد بخصوص :
💬 المعايير العامة لكتابة ونشر المقالات
⚡️ كيفية الإرسال
🔥 التزامات اقرأ-تِك تجاه الكتاب
يمكنكم قراءة كافة التفاصيل من هنا 👇
