VOL91: Anthropic Releases Claude Opus 4.6 🚀
أعلنت شركة Anthropic عن إطلاق نموذجها الجديد Claude Opus 4.6، والذي يأتي بنافذة سياق (Context Window) ضخمة تصل إلى مليون توكن في الإصدار الرائد الخاص بها.
لا تنسوا أهلنا من صالح الدعاء,اللهم إنّا استودعناك اياهم، اللهم كُن عوناً لهم، اللهم انصرهم واحفظهم. 🇵🇸 🇸🇩
أهلًا وسهلا بكم في العدد الواحد التسعين من النشرة الأسبوعية لاقرأ-تِك 🚀
سواء كنت مهندس برمجيات مبتدئ أو محترف، فنشرتنا هتساعدك على مواكبة أحدث تطورات عالم البرمجة بمواضيع جديدة كل أسبوع، هتلاقى كمان محتوى عملي بيشمل أفضل الممارسات، ونصائح مفيدة، وترشيحات لمقالات مختارة من اقرأ-تِك.
🌟 مواضيع النشرة لهذا الأسبوع 🌟
Linux File Permissions Explained 🚀
Anthropic Releases Claude Opus 4.6 🤖
Unlocking Notion’s Power - The Data Model Explained 💎
Linux File Permissions Explained 🚀
كلنا بنحتاج chmod في وقت من الأوقات، ولو مدرسناش Linux فبتبقي الأرقام اللي بتعبر عن الصلاحيات مٌحيرة فعلاً ، وما بنكونش عارفين هما جابوا الكلام دا منين. فورقة وقلم ويلا بينا نتكلم عن الـ Linux File Permissions 🚀
Linux File Permissions
موضوع صلاحيات ال Linux دا متقسم ل ٣ أقسام بنجمعهم مع بعض زى الـ puzzle.
الأمر Command
المستخدمين Users
الصلاحيات Permissions
كل ملف أو مجلد في Linux بينقسم مستخدميه لل ٣ فئات دي :
مالك (Owner) وهو الذي أنشأ الملف أو المجلد
مجموعة (Group) قائمة بيها مجموعة من المستخدمين لهم صلاحيات محددة
آخرون (Others) أي مستخدم آخر
و كل فئة من الفئات دي ليها صلاحيات محتملة:
تغيير الصلاحيات ما هو إلا تعديل الصلاحيات لكل فئة من دي، وخلونا نشرحه بمثال فلو حبينا نعرض الملفات في Directory معينة مع صلاحيتها بنستخدم
Ls -lفهيعرضلنا
[الاسم] [التاريخ] [الحجم] [المجموعة] [المالك] [عدد الروابط] [الصلاحيات]
-rwxr-xr–- 1 user dev 4096 Feb 10 script.
drwxr-xr–- 1 user dev 6952 Jan 20 MyProjectsهنا الصلاحيات بالنسبة للملف -rwxr-xr– ولكن معناها إيه؟!
هنا الصلاحيات بالنسبة للملف -rwxr-xr– ولكن معناها إيه؟!
لينكس بيوضح دائما الصلاحيات بترتيب الملكية فدائمًا هنعرض صلاحيات ال Owner ثم ال Group ثم ال Others بدون فاصلة
هنلاقي إن صلاحيات المالك:
-rwxودا يعني إن له صلاحيات القراءة والتعديل والتنفيذهنلاقي إن صلاحيات المجموعة :
R-xودا يعني إن للمجموعة صلاحيات القراءة و التنفيذ فقطهنلاقي إن صلاحيات الآخرين:
R–وعلامة - في البداية تشير إن دا ملف وكذلك علامة d في البداية تشير إن دا مجلدDirectory
ودا كان التمثيل الرمزي للصلاحيات في تمثيل ثاني ليها باستخدام الأرقام ودا الأكثر شيوعًا في استخدامنا في الأوامر كمبرمجين ، وبيعتمد أنه بنمثل كل رمز عملية برقم ونجمع الأرقام بالنهاية للحصول علي صلاحيات المستخدم والجدول في الصورة بيوضحها بالتفصيل
Anthropic Releases Claude Opus 4.6 🤖
أعلنت شركة Anthropic عن إطلاق نموذجها الجديد Claude Opus 4.6، والذي يأتي بنافذة سياق (Context Window) ضخمة تصل إلى مليون توكن في الإصدار الرائد الخاص بها.
كما كشفت الشركة عن ميزة جديدة تُسمى “Agent Teams” تتيح تنسيق عدة وكلاء ذكاء اصطناعي للعمل معًا على مهام معقدة.
النموذج الجديد تفوّق على GPT-5.2 بفارق 144 نقطة في اختبارات العمل المعرفي الواقعي، وحقق دقة 76% في العثور على معلومات مدفونة داخل كميات هائلة من النصوص، مقارنةً بـ 18.5% فقط في الإصدار السابق.
🔎 أهم التفاصيل
تمكنت Anthropic من بناء(C Compiler) كامل باستخدام 16 وكيل Claude 4.6 يعملون بالتوازي.
سجل النموذج 1,606 نقطة على معيار GDPval-AA (الذي يقيس أداء النماذج في مجالات مثل التمويل والأعمال القانونية)، متفوقًا على:
GPT-5.2 الذي سجل 1,462 نقطة
Opus 4.5 الذي سجل 1,416 نقطة
ميزة Agent Teams تقوم بتقسيم المهام المعقدة عبر عدة نماذج ذكاء اصطناعي تعمل بالتوازي، بحيث يركز كل وكيل على جزء محدد من المشكلة.
تقدم Anthropic مبلغ 50 دولارًا من الرصيد المجاني للمشتركين لتجربة النموذج الجديد.
🤔 ما هي أهمية ذلك ؟
تبني الشركات للذكاء الاصطناعي يتطلب القدرة على التعامل مع:
Large Codebases
مجموعات مستندات هائلة
استخراج المعلومات الدقيقة من بين آلاف أو ملايين الصفحات
معظم النماذج تنهار أداؤها عند التعامل مع سياقات ضخمة جدًا، لكن أداء Opus 4.6 يشير إلى أن Anthropic ربما نجحت في حل مشكلة هيكلية مرتبطة بالـ (Attention Mechanisms) عند معالجة مدخلات كبيرة للغاية.
أما ميزة Agent Teams فتنقل الأمر إلى مستوى آخر، عبر توزيع المهام المعقدة على وكلاء متخصصين، بحيث يحتفظ كل وكيل بتركيزه على جزء معين من المشكلة — وهو اتجاه يُشبه إلى حد كبير بنية الفرق الهندسية في العالم الحقيقي.
Unlocking Notion’s Power - The Data Model Explained 💎
فريق المهندسين لم جم يبنوا Notion، كانوا حريصين على بناءه على إطار عمل يسمح للمعلومات إنها تقف لوحدها، حرة من أي قيود أو حاويات، وبدل ما تكون محبوسة في أي حاجة، بنخلي القوة في إيد المستخدم انه يقرر ده ، والإطار ده مبني على مفهوم غاية في الابداع ألا وهو الكتل (blocks).
كل حاجة بنشوفها في Notion هي block. النصوص، الصور، القوائم، صفوف قاعدة البيانات، وحتى الصفحات نفسها – كلها عبارة عن blocks، فهي وحدات ديناميكية من المعلومات اللي ممكن تتحول لأنواع تانية من blocks أو تتحرك بحرية داخل Notion.
الكتل دي هي زي قطع LEGO اللي بنستخدمها في بناء ونمذجة المعلومات. ولما بتتجمع الكتل مع بعضها، بتخلق حاجة أكبر بكتير من مجرد تجميع أجزائها.
والمرونة اللي بنشوفها من خلال Notion والـ Blocks هي جوهر مهمة Notion. فعلى الرغم من أن الكتل بتطلب من فريق Notion الهندسي إنه يكون بيطبق دقة شديدة خلال تنظيم المعلومات، الا إنهم كانوا عاوزين نموذج بيانات شبيه بالرسم البياني (graph-like) بحيث يقدر يوفر للمستخدمين القدرة على تخصيص حركة وتنظيم ومشاركة المعلومات بتاعتهم بحرية كاملة.
نموذج الكتل (Blocks) هو اللي بيخلي Notion فريد، وده الأساس لطريقة تفكير Notion في انهم يغيروا من طريقة التعامل مع البيانات.
Fundamentals of Blocks in Notion
زي قطع الـ LEGO في مجموعة LEGO، كتل Notion هي القطع الفردية اللي بتمثل كل وحدات المعلومات جوه محرر Notion. وخصائص الكتلة هي اللي بتحدد إزاي المعلومات دي هتتنسق وتتنظم بالشكل اللي عاوزينه.
مصدر الصورة : Notion Engineering Blog
كل كتلة عندها الخصائص دي :
الـ ID: كل كتلة ليها معرف فريد. ونقدر نشوف الـ ID الخاص بكتلة الصفحة (Page Block) في نهاية عنوان الـ URL في المتصفح. وبيتم استعمال الـ UUIDs (UUID v4) كمولد عشوائي للـ IDs في Notion.
الـ Properties: وهي عبارة عن هيكل بيانات بيحتوي على بعض خصائص المخصصة لكتلة معينة. فالخاصية الأكثر شيوعًا هي الـ title، ودي اللي بتخزن محتوى النص لأنواع الكتل زي الفقرات والقوائم وطبعًا عنوان الصفحة. والأنواع الأكثر تعقيدًا من الكتل بتحتاج خصائص إضافية أو مختلفة.
الـ Type: كل كتلة ليها نوع، وده اللي بيحدد إزاي الكتلة هتظهر ويتعملها Render بشكل مختلف، وإزاي هنفسر خصائص الكتلة. Notion بيدعم أنواع كتير من الكتل، واللي ممكن تشوف أغلبها في قائمة “new block” لما تدوس على زر + أو في قائمة /.
مصدر الصورة : Notion Engineering Blog
إلى جانب الخصائص اللي بتوصف الكتلة نفسها، كل كتلة بيكون عندها مجموعة من الخصائص اللي بتحدد علاقتها مع باقي الكتل وهنا ممكن نشوف الموضوع أشبه بـ Graph:
الـ Content: ودي عبارة عن Array من معرفات الكتل (Block IDs) اللي بتمثل المحتوى جوه الكتلة دي، زي العناصر المتداخلة في قائمة نقطية أو النصوص جوه toggle فأشبه بالـ Children للـ Parent.
الـ Parent: وده عبارة عن معرف الكتلة اللي هي الأصل للكتلة الحالية. أو بمعنى أدق الـ Parent of Current Block ، وكتلة الأصل بتستخدم فقط في صلاحيات الوصول (permissions).
بفضل الله أصبح متاح حالياَ دعمنا من خلال الرعاة والشراكات وفعلنا الـ Sponsorship, بنرحب بجميع الشراكات مع المؤسسات والشركات وأصحاب الأعمال لبناء مجتمع عربي يشجع على القراءة والتعلم ومشاركة التجارب والخبرات العملية في هندسة البرمجيات.
دورك كشريك أو راعي هيكون محوري في دعم المحتوى وتوسيع نطاق تأثيره. فانضم لرحلتنا وكن جزءًا من صناعة مستقبل التكنولوجيا في المنطقة 🚀
شركاء النجاح:
تقدروا تشوفوا التفاصيل كاملة من هنا والـ Analytics بتاعتنا من خلال اقرأ-تِك والنشرة الأسبوعية 👇
رؤيتنا هي إثراء المحتوى التقني العربي وجعل التعلم من خلال القراءة أمتع، وذلك من خلال إثراء المحتوى التقني باللغة العربية وتشجيع المبرمجين على القراءة بلغتهم الأم والتفكير أيضًا بها.
لذلك اتحنا الفرصة أمام الجميع للمساهمة ومساعدتنا في نشر واثراء المحتوى التقني باللغة العربية, من خلال كتابة المقالات التقنية في مختلف مجالات هندسة البرمجيات.
وجب التنويه أنه لن يتم نشر كافة الأعمال التي تصل إلينا، وإنما سيتم الانتقاء منها ما يحقق هدفنا بإثراء المحتوى التقني العربي، ولذلك قد تُطلب بعض التعديلات من الكاتب قبل النشر.
لمعرفة المزيد بخصوص :
💬 المعايير العامة لكتابة ونشر المقالات
⚡️ كيفية الإرسال
🔥 التزامات اقرأ-تِك تجاه الكتاب
يمكنكم قراءة كافة التفاصيل من هنا 👇
