VOL40: Special Edition - Secrets Reveled 🎉
أهلًا وسهلا بكم في العدد الأربعين من النشرة الأسبوعية لاقرأ-تِك 🚀
لا تنسوا أهلنا من صالح الدعاء,اللهم إنّا استودعناك اياهم، اللهم كُن عوناً لهم، اللهم انصرهم واحفظهم. 🇵🇸
أهلًا وسهلا بكم في العدد الأربعين من النشرة الأسبوعية لاقرأ-تِك 🚀
سواء كنت مهندس برمجيات مبتدئ أو محترف، فنشرتنا هدفها انها تثري المحتوى التقني العربي سعيا للتطوير من جودة المحتوى باللغة العربية، من خلال تقديم أحدث المستجدات والتطورات في عالم البرمجيات، بالإضافة إلى أفضل الممارسات والنصائح القيمة، ونشر أحدث المقالات وترشيحات الكتب ومحتوى ورقة وقلم اللي بينزلوا بشكل مستمر في موقع اقرأ-تِك.
حكايتنا بدأت من سنة ونص تقريبًا ، اما شوفنا إن المحتوى العربي وخصوصًا في مجال هندسة البرمجيات يكاد يكون منعدم وقليل من الناس اللي كانت مهتمة بإثراء المحتوى ده سواء من خلال الـ YouTube أو غيره من Posts على منصات السوشيال ميديا.
ولإننا عارفين إن القراية ليها فوايد كتير جدًا وبالأخص للناس اللي عاوزة تتعمق في التعلم ، ففكرنا ليه مايكونش فيه منصة عربية تبقى بتتناول كل ما يخص هندسة البرمجيات باللغة العربية ؟ منصة موحدة فيها مقالات في مختلف المجالات ، وكمان لمختلف المستويات ، طب ليه مايكونش عندنا كمان Roadmaps تخلي الناس تبدأ بدل التشتت ؟ طب ليه ما نعملش كمان دورات ومسارات تعلم بالعربي ؟ وأفكار كتيير جدًا جت في بالنا ..
بدأنا واحدة واحدة ، وفضلنا مكملين بفضل تشجعيكم لينا ومتابعتكم لينا ومساهمتكوا معانا سواء بالاشتراكات وغيره ، وعشان كده ده ادان دافع أكبر إننا نفضل مستمرين في تحقيق رؤيتنا وهي اننا عاوزين اقرأ-تِك تبقى منصة عربية تهدف لإثراء المحتوي التقني من خلال تناول كل ما يخص هندسة البرمجيات باللغة العربية وتشجيع الجميع علي القراءة والتعلم.
والحمدلله فضلنا مستمرين ، وجه الوقت دلوقتي إننا نعلن عن بعض المفاجآت والإصدارات الجديدة اللي كنا شغالين عليها طول السنة في السر ، وجه الوقت اللي فيه تطلع للنور!
شكل جديد وتجربة مميزة خصيصًا لك!
هدفنا كان في التغيير ده اننا نخلي قراءة المقالات على اقرأ-تِك بشكل ممتع ، ومشجع لكل الناس انها تفضل مكملة في المنصة قراءة وتفضل تتصفح المقالات بحرية كاملة وبسرعة. وبالتالي اشتغلنا على الـ UI/UX انهم يكونوا بيخدموا القارئ ويشجعوا الجميع على القراية 🚀
تقدروا تتصفحوا دلوقتي عدد لانهائي من المقالات المميزة والمتنوعة في مختلف مجالات هندسة البرمجيات وتستمتعوا برحلة قراءة ممتعة وده لإن تجربة تصفح المقالات اتغيرت تمامًا ، فهتلاقوا إن باه فيه جزء خاص بالوسوم في أول الصفحة على شكل Scrollable Slider واللي من خلاله تقدروا تدوروا على الـ Tags / Topics اللي مهتمين بالقراءة فيها. واللي برضو سهل تدوروا فيه بالـ Trackpad بدون الضغط على السهم عشان سرعة البحث!
وكمان هتلاقوا في صفحة المقالات أكتر “الوسوم” اللي فيها مقالات في اقرأ-تِك.
ومش بس كده ده عملنا صفحة كمان كاملة لكل “الوسوم” تقدروا من خلالها تشوفوا كل المواضيع اللي عاوزين تقرأوا فيها بسهولة.
وعشان نخلي تجربة القراءة ممتعة وليها طعم لذيذ ، حاولنا نغير في شكل قراءة المقالات والـ Code Syntax Highlighting عشان تبقى مريحة للعين وكمان تخلي القارئ غير مشتت ، ويستفاد بأكبر قدر وكمان يقدر يطبق على المقالات اللي فيها أمثلة بالأكواد ، ودي هنسيبكوا انتوا تجربوها وانتوا بتتصفحوا المقالات على اقرأ-تِك 😉
بدأنا حكايتنا معاكوا بالورقة والقلم ، وده كان أكتر محتوى اقرأ-تِك بتقدمه وكان عليه اقبال من جميع القراء ، وده لإننا كنا حريصين في “ورقة وقلم” إننا نبسط المفاهيم البرمجية المعقدة بسهولة من خلال رسومات توضيحية وتصاميم بجودة عالية وبرضو باللغة العربية ، وده كان بيسهل على الجميع إنهم يكونوا مطلعين على مفاهيم برمجية متعددة بسهولة وتثبت في دماغهم بدون أي تعقيد.
والحمدلله وبفضل الله وصلنا لأكتر من 60 ورقة في مختلف المجالات 💎
وتاني إصدار معانا كان “النشرة الأسبوعية” اللي بتقرأوها دلوقتي , واللي بنكون حريصين فيها كل أسبوع إن يجيلكوا مواضيع مختلفة ليها علاقة بمجال هندسة البرمجيات والمشاريع مفتوحة المصدر وبعض النصايح والارشادات المختلفة في المجال وأفضل الممارسات.
والحمدلله وبفضل الله وصلنا دلوقتي للعدد الـ 40 من النشرة الأسبوعية 🎉
وجه الدور دلوقتي إننا نطلع بإصدارات جديدة للنور وكنا شغالين عليها الفترة اللي فاتت 🚀
فخلونا نزيل الستار عن بعض من الإصدارات الجديدة! 😍
الإصدار الأول - ورقة وقلم 🚀
في الإصدار ده جمعنا أكتر من 50 موضوع في مختلف مجالات هندسة البرمجيات بأكتر من 170 صفحة + تصاميم بجودة عالية وكل ده بالعربي وبشكل مميز ومتقسم لفصول سهل تنتقلوا من فصل وموضع للتاني بدون مشاكل 💎
تقدروا تشوفوا النسخة كاملة من هنا كـ E-Book ، وحاولنا نخليها بسعر رمزي يناسب الجميع 👇
ولو عندك أي مشكلة في الدفع ، تقدروا تتواصلوا معانا وهنكون مبسوطين باننا نوفر بدايل زي InstaPay و VodafoneCash 🎁
ولو عاوزين تعاينوا جودة الـ E-Book قبل ما تشتروه ، تقدروا تحملوا النسخة المجانية واللي بتضم حوالي 30 موضوع فيما لايزيد عن 100 صفحة من هنا 😉
مُدونات فطين وتجارب وخبرات عملية من داخل الشركات العالمية 🚀
بقالنا فترة شغالين في اقرأ-تِك على اننا نقدم بعض التجارب والخبرات العملية المتنوعة من مختلف الشركات العالمية وبنقدمها بشكل مبسط باللغة العربية وباستخدام صور توضيحية وتصاميم بجودة عالية ، عشان نخلي فيه تنوع في المحتوى بين كل المستويات.
والحمدلله وبفضل الله أصبح بيتابعنا قراء من أكبر الشركات حاليًا في العالم ، ومهتمين بالنوع ده من المحتوى 💎
فعملنا جزء خاص بالمواضيع دي ، وباذن الله بعد كل مجموعة من المُدونات هنرفقهم في كتاب بيضم التجارب العملية دي ويكون متاح للجميع بشكل E-Book عشان يبقى مرجع للجميع إن هم يشوفوا ويتعلموا من تجارب وخبرات غيرهم والتحديات اللي قابلوها.
وكل ده هيبقى متاح باللغة العربية 🎉
كنوز اقرأ-تِك ودليلك الشامل لمكتبتك التقنية 🚀
طلبنا من فترة على السوشيال ميديا إن أي حد عنده ملخصات وشروحات باللغة العربية في مواضيع خاصة بالمجال يبعتهالنا عشان حابين إن يكون فيه مكان موحد ومتاح للجميع إنهم يوصلوا للمراجع والملخصات دي بسهولة 💪
وبدأنا الحمدلله بتجميعة متنوعة تقدروا تشوفوا دلوقتي وتحملوها مجانًا تمامًا من هنا 👇
وهي دي كنوز اقرأ-تِك ، وهنفضل مكملين في اننا نحاول نبحث عن الكنوز دي ونوفرها ليكوا بشكل مجاني تمامًا ، واللي حابب يشارك معانا بكنز من الكنوز دي يقدر يتواصل معانا من خلال البريد الإلكتروني : contact@eqraatech.com 📧
واحنا هنكون سعيدين جدًا بده ، وكمان كل كاتب ليه كامل حقوق النشر في الكتابات والملخصات بتاعته ، احنا بس بنكون مكان مسهل للناس طريقة تحميل المادة دي ، ولكن كل حقوق النشر بتكون للكاتب 🚀
وبكده نكون وصلنا لآخر المفاجآت ألا وهي استمرار خصم الـ 50% ولحد نهاية السنة ، فتقدروا دلوقتي تشتركوا في اقرأ-تِك (بـ 30 جنيه) بس شهريًا 😉 والحقوا الخصم ده لانه مش بيتكرر الا في المناسبات الجميلة اللي زي دي بس 🚀
وبرضو متاح الاشتراك من خلال InstaPay و VodafoneCash 🎁
بفضل الله أصبح متاح حاليا دعمنا من خلال الرعاة والشراكات وفعلنا الـ Sponsorship واحنا بنرحب بجميع الشراكات مع المؤسسات والشركات وأصحاب الأعمال لبناء مجتمع عربي يشجع على القراءة والتعلم ومشاركة التجارب والخبرات العملية في هندسة البرمجيات.
دورك كشريك أو راعي هيكون محوري في دعم المحتوى وتوسيع نطاق تأثيره. فانضم لرحلتنا وكن جزءًا من صناعة مستقبل التكنولوجيا في المنطقة 🚀
تقدروا تشوفوا التفاصيل كاملة من هنا والـ Analytics بتاعتنا من خلال اقرأ-تِك والنشرة الأسبوعية 👇
