لا تنسوا أهلنا من صالح الدعاء,اللهم إنّا استودعناك اياهم، اللهم كُن عوناً لهم، اللهم انصرهم واحفظهم. 🇵🇸 🇸🇩
أهلًا وسهلًا بكم في رابع عدد مميز من سلسلة Engineering Radar من النشرة الأسبوعية لاقرأ-تِك 🚀
سواء كنت مهندس برمجيات مبتدئ أو محترف، فنشرتنا هتساعدك على مواكبة أحدث تطورات عالم البرمجة بمواضيع جديدة كل أسبوع، هتلاقى كمان محتوى عملي بيشمل أفضل الممارسات، ونصائح مفيدة، وترشيحات لمقالات مختارة من اقرأ-تِك.
أسبوع مجنون في الـ AI: إعلانات كبيرة في خلال 3 أيام بس 🔥
الدنيا مش ناوية تهدى .. من الاتنين للأربع اللي فاتوا، أربع شركات كبيرة نزّلت إعلاناتها ورا بعض، فتعالوا نمشي عليهم واحدة واحدة، ونشوف إيه اللي يهمنا فعلاً.
🌟 مواضيع النشرة لهذا الأسبوع 🌟
Claude Sonnet 5.5: Faster, Cheaper per Task, Same Price
Eleven v4 & v4 Turbo: Voice Cloning in 10 Seconds, 90+ Languages
OpenAI DevDay 2026: Dots, GPT-6.1 Sol, and the Shift to Always-On Agents
Gemini 4 Argon: Google's New Frontier Model, in Limited Rollout
Claude Sonnet 5.5: Faster, Cheaper per Task, Same Price
شركة Anthropic نزّلت Sonnet 5.5 يوم 28 سبتمبر، بعد ستة أيام بس من Opus 5.5، والفكرة بسيطة: Opus للشغل التقيل المعقّد، و Sonnet للشغل اليومي السريع.
طب إيه الجديد في Sonet 5.5؟
السعر زي ما هو: 2 دولار لكل مليون input token و10 دولار للـ output.
أسرع وأوفر: أسرع بأكتر من 30%، وبيكلّف لحد 30% أقل في المهمة الواحدة، لأنه بيحتاج tokens أقل لنفس الشغل.
ذاكرة كبيرة: context window مليون token، وأقصى output ممكن هو 128 ألف.
قريب من أخوه الكبير: على واحد من الـ benchmarks اللي بتقيس الشغل اليومي، نتيجته تقريباً زي Opus 5.5.
والمفاجأة إن على Terminal Bench 4، حسب قياسات Artificial Analysis، Sonnet 5.5 جاب 64% وسبق Opus 5.5 (60%) و GPT-6 Astra (59%).
اللي يهمنا كمبرمجين: الـ model ID هو claude-sonnet-5-5، ومتاح على AWS و Google Cloud و Azure. والـ effort الافتراضي Medium في التطبيقات و Claude Code، و High على الـ API. أما المستخدم العادي، فالموديل بقى الافتراضي لخطط الـ Free و Pro.
الجميل في الموضوع إن بشهادة ناس كتير جربوه هو فعلًا بيوفر جدًا في الـ Token وقادر يخلص كتير من الـ Daily Tasks من غير ما يحرق Tokens.
👈 لو جربتوه شاركونا تجربتكم في التعليقات ؟ وهل حسيتوا بفرق ملحوظ في السرعة ولا لسه؟
Eleven v4 & v4 Turbo: Voice Cloning in 10 Seconds, 90+ Languages
في نفس اليوم (يوم الاتنين) ElevenLabs نزّلت Eleven v4 و Eleven v4 Turbo، والشركة غيّرت الـ architecture نفسها عشان توصل لتحكم أحسن ونسخ صوت أسرع. ومش بس كده احنا بقينا في عصر إن الصوت بقى بيمثل!
أهم الحاجات اللي تهمنا:
نسخ الصوت بقى بيتم بشكل سريع جدًا وفي 10 ثواني: كل اللي محتاجه 10 ثواني تسجيل.
ثبات الصوت: الموديل بيحافظ على هوية الصوت في النصوص الطويلة، وده مهم لو بتعمل كتاب صوتي أو بودكاست.
إخراج بالـ tags: تقدر تركّب أكتر من tag ورا بعض والموديل يمشي عليهم بالترتيب.
لغات أكتر: من 70 لغة لـ 90، ومعاهم دعم IPA للتحكم في النطق.
والجميل باه إن الـ Turbo للـ voice agents: تأخير حوالي 100 ملّي ثانية، مقابل حوالي 280 في نسخة v3 الحوارية. وكمان بيبدأ يولّد الصوت أول ما الـ LLM يبدأ يكتب الرد.
والواضح إن الشركة مركّزة على الشركات: وده لإن أكتر من 55% من شغلها جاي من عملاء كبار.
👈 جرّبوا كده الموديل بالعامية المصرية وابعتولنا رأيكم بعد التجربة في التعليقات!
OpenAI DevDay 2026: Dots, GPT-6.1 Sol, and the Shift to Always-On Agents
شركة OpenAI عملت مؤتمرها السنوي في سان فرانسيسكو يوم 29 سبتمبر وطلعت بـ 25 إعلان، 19 منهم متاحين دلوقتي على الأقل لبعض الخطط. والرسالة العامة كانت: الـ AI مبقاش بيرد عليك وبس، بقى بيشتغل مكانك.
أعلنوا عن Dots: ودول عبارة عن agents شغّالين على طول، بيستخدموا تطبيقاتك وكمبيوتر على الـ cloud، وبياخدوا موافقتك في الحاجات الحساسة. متاحين تدريجياً لخطط Pro و Business Premium في أسواق محددة.
أعلنوا عن GPT-6.1 Sol: أداء قريب من GPT-6 Astra بتكلفة أقل بكتير، بالتحديد خُمس سعر Astra.
أعلنوا عن Codex إنه بقى شغال على الـ Cloud: فتقدر تبدأ أي تاسك coding من أي جهاز، ومعاه voice input في الـ CLI وواجهة
/agentsلتوزيع المهام، ومراجعة كود للـ pull requests على GitHub و GitLab.أعلنوا عن ChatGPT Space: مكان واحد يجمع الصفحات والملفات والناس والـ agents، ومعاه ChatGPT جوه Slack و Microsoft Teams.
اللي يهم المطورين: الـ Agents API بقى public beta وفيه computer use، يعني الـ agent يشغّل البرامج من واجهتها. وفيه Decisions API في preview محدود، للقرارات الصغيرة المتكررة.
ودي نقلة شوفنا مثيل ليها لسه قريب من شركة Meta في الـ AI Charm وده عبارة عن Agent معاك علطول في جهاز قد كف الايد .. فهل المستقبل خلاص قرب من انتقال الـ Agents لأرض الواقع والحياة العملية ؟ خصوصًا إننا لسه شايفين في الأعداد اللي فاتت دخولهم بقوة في الـ Smart Homes!
Gemini 4 Argon: Google’s New Frontier Model, in Limited Rollout
جوجل أعلنت عن Gemini 4 Argon يوم 30 سبتمبر، تقريباً بعد سنة من Gemini 3. وفي السكة اتلغى Gemini 3.5 Pro خالص.
الـ Output ضخم: لحد مليون token بدل 64 ألف.
وبالنسبة للأمن السيبراني: الموديل يقدر يلاقي الثغرات الخطيرة ويتأكد منها ويصلّحها لوحده وده على حسب كلامهم!
السعر: 2 دولار input و10 output كسعر تمهيدي، وبعدين 4 و20.
تجربة داخلية: جوجل استخدمته في مراكز البيانات ووفّر 300 TiB ميموري.
بس فيه “لكن” كبيرة: الموديل متاح حالياً بس لشركاء الأمن السيبراني في برنامج Fairwind، ونازل قريب لمشتركي AI Ultra وعملاء الـ API المدفوع. وده معناه إن الاختبارات المستقلة لسه محدودة.
واللي اتقاس لحد دلوقتي متباين. Artificial Analysis لقت إنه بيساوي GPT-6 Astra في مؤشر الذكاء بـ 60% من التكلفة. لكن في الدقة جاب 50%، يعني أقل 13 نقطة من Astra، وبيستهلك في المتوسط 62 ألف output token للمهمة مقابل 27 ألف. فخد أرقام جوجل نفسها بحذر لحد ما الموديل ينزل للكل.
💬 دوركم انتم
أنهي خبر شدّكم أكتر الأسبوع ده؟ شاركونا ده في التعليقات بكلمة واحدة: Sonnet أو Eleven أو Dots أو Argon، وليه؟
ولو العدد عجبكم، ساعدونا في نشره علشان يوصل لأكبر عدد من المطورين العرب!
نشوفكم الأسبوع الجاي إن شاء الله!
بفضل الله أصبح متاح حالياَ دعمنا من خلال الرعاة والشراكات وفعلنا الـ Sponsorship, بنرحب بجميع الشراكات مع المؤسسات والشركات وأصحاب الأعمال لبناء مجتمع عربي يشجع على القراءة والتعلم ومشاركة التجارب والخبرات العملية في هندسة البرمجيات.
دورك كشريك أو راعي هيكون محوري في دعم المحتوى وتوسيع نطاق تأثيره. فانضم لرحلتنا وكن جزءًا من صناعة مستقبل التكنولوجيا في المنطقة 🚀
تقدروا تشوفوا التفاصيل كاملة من هنا والـ Analytics بتاعتنا من خلال اقرأ-تِك والنشرة الأسبوعية 👇
